بوح المشاعر

[ابومسلي]

بسم الله الرحمن الرحيم
السلام عليكم ورحمة الله وبركاته

صباح
متفتح بأزهار الربيع..
مساء
مزدان بقمر وضياء..



فحينما تزدحم بنا الحياة
بأفراحها وأتراحها

وحينما يرهقنا التعب

ونحتاج الى فضفضة مشاعرنا والبوح بها

حينما تحتاج أقلامنا الى أوراق لتنثر بوحها

حينهـــــــــا

سأحتاج الى مساحه لتضم ماسيعصف داخلي

هنا

إن شاء الله

سأدون كل عواصفي وماسيدور داخلي
وما سيكتب قلمي

ومايعجبني من نثر غيري

هنا سأكتب لأقرأ مايعجبني

هنا كنت

::وهنا سأكون ::

[ابومسلي]

الصمت اشوفه قام يستدرج البوح=لو كان في بعض الكلام المضره

[ابومسلي]

بناء على طلب أحدهم


مانيب قايل لاتباطيت مسموح=وشلون اقوله يابعد كل من راح

لاصار فغيابك تبي تطلع الروح=والدمع من فرقاك بالخد فضاح

وليلي غداء بين المعانات والنوح=وبرق العناء في دنيتي تو مالاح

عذري اقول أن الهوى كله جروح=لو كان بعض احيان نلقا به افراح

كم عاشقً لجل الهواء مات مذبوح=ماينفع السباح لو قيل سباح

لو الهواء ياتي بناطح ومنطوح=ان كان كلن فاز بسيوف ورماح

ولو الهواء ياتي بضحكات ومزوح=ماكان شفناء طاير الورق نواح

ييعني ليا من غبت لاتنتضر بوح=يمكن نصك الباب من دون الارواح

[ابومسلي]

لله درك يابن قضعان



قالت فمان الله لي خمس مرات=واقفت بحفظه ماحفضها لساني
من دون هرجي عبرتي ياملا جات=لواخفي الكنه ماخفت العين باني
من لا وسم غالية وسم الغييثات=قلادتن بين الضلوع المحاني
يصبر على عشق الذي يعشق الذات=ويصبر على جور الزمن والهواني
((ياقو عزمك يوم قفيت بسكات=كانه وطاك من الغلاء ماوطاني))
انا حكمت وغرني صفت الزات=سبع الحكم تأكل خيار الثماني

[ابومسلي]

:shiny01:


شفت الجليد اللي على قمة التل=ماأبرد منه الى مشاعر سموكـ

[ابومسلي]

اعجبتني حيل


تـدري وش اللي يـ ج ـرح القلب ياشـوق ؟
إنـك تسـيء الظـن بـإنسـان >> حـسـاس


والله وربي البــارحـه حيل( مـ خ ـنوق)
معـذور دآآم النـاس مــا تـامن النــاس

[ابومسلي]

ياسلام ياسلام





لاتزعل الدنيا ولاتزعلك يالضبي العفر=ان كان ماجازتلك الدنيا ندورغيرها

[ابومسلي]

ايقنت بن الطيب وهبات واقسام =ماهوب شرط انك سليل الزعامه

كم ولد شيخن بالمهمات مقدام=ومعربن خاله ومجنى عمامه

يجيك فالدنيا من حساب الايتام=ويمسك دروب أهل الردى والرخامه

وكم واحدن جده من حساب للاقزام=لكن على العليا يقديه زامه

يحضا على كسب المراجل والانعام=وجود زمام المرجله والقرامه

ودريت بن الرجل ماهوب هندام=والرجل قالو ينعرف من كلامه

والرجل من دون القرابه والارحام =عودن شواه القيض وسط الثمامه

ماينفعك طيبك على نذل وخمام =رجواك بالخايب سواة الغمامه

خلك على الشدات ضاري وضرغام=لاتدس راسك مثل راس النعامه

هذي نصيحه تعتبر عندي وسام=ترسم على وجه الصحيحن شامه

[ابومسلي]

راق لي مررررره

يالغالـي اللـي كنـك بقلبـي اتـويـق
. . . . . . . . . .جرحـك كريـم .. و ذكرياتـك كريمـه

أنت و انا .. نشبه حضارات الأغريـق
. . . . . . . . . القوم راحـوا .. و الحضـاره مقيمـه

[ابومسلي]

:msn-wink:


الضيق لا قالو ترى الصيف قرب=وان الحبايب للسفر مستعدين

[ابومسلي]

قديمة شووووي


الدرب واضح والعمى من يقديه=والرب ماشفناه لكـن عرفنـاه

ياصاحبي كثر الحكي مالنا فيـه=طويق عانه ماتصـدع زوايـاه

والطير لمن هد يرجع لراعيـه=وان مارجع جعل الهبايب تقفـاه

وكانك تبي لبيـه مافيـه لبيـه=واللي يبي لبيه ياجعلهـا افـداه

دامه تغير كل يومـن مماشيـه=يعلم ترى لبيـه ماهيـب ويـاه

لبيـه للـي ماتغيـر مبـاديـه=اللي على نهج الصحيحين مبداه

اللي مصافيني وانا حيل مغليـه=ولاهوب يسمع للحكي والمبابـاه

حرام حرم الـدم ماقولـه ليـه=لوكان يجرحني وانا اشوف لاماه

وماضنتي مليون لبيـه تكفيـه=الوافي اللي مانقـل داه بـرداه

وختام هرجي والحكي مالنا فيـه=طويق عانه ماتصـدع زوايـاه

والطير لامن هد يرجع لراعيـه=واما رجع جعل الهبايـب تقفـاه

[ابومسلي]

وجهت نظر


لوشفتلك دمعة على خد رجال=اعلم وادر ماهي عشان العشيقة
الرجل مايبكي على شان ميال=هاذي حقيقة كان تبغاء الحقيقة

[ابومسلي]

الغريب عشق بدوي الرويبي نجمة شمر

الف شكر على تقييمكم منورين هاذي المملكة

بتواجدكم العطر

[ابومسلي]

الرجـل يمـدح عندنـا بـس لامـات=ويومنه عايش فـي نظرنـا ولاشـي

لامـات قالـو راح راع المهـمـات=اللـي تعـدا بالكـرم حاتـم الـطـي

أن اشهدانه من رجـال(ن) بشـاوات=وأن اشهدانه ماوقف ماقف(ن) سـي

لو أن عرفه مثل عـرف الخواجـات=وسوالفـه ماغيـر بالـزاد والـمـي

هم يحسبـون أن المراجـل دعايـات=وأن المراجـل للبسـو فاخـر الـزي

المرجلـه للـي تـعـب للبـطـولات=اللـي كفوفـه للكـرم دايـم سخـي

هذا لايامـن مـات يبقـى علامـات=للفعوله اللي ياعـرب ماهـي شـوي
هاذي صفات الناس في عصر الاصوات=مداحـت الميـت وذمامـت الـحـي

[ابومسلي]

جر الزقارة مانفع ضايق البال=لاصارت همومه بصدره حريقة
والبارحة ضاقت من الجال للجال=وجتني هجوسي يامحمد طليقة
وغنيتلي من صادق الشعر موال=ياكود اسلي خاطري لو دقيقة
الصدر لهموم الزمن صار مدهال=يمسي على ضيقة ويصبح بضيقة
والقلب حطه كامل الزين مدهال=واحكم عليه وسجله بالوثيقة
ودار الزمان وبدل الحال بالحال=وصار المحب اللي لحبه يعيقة
قفا وراح ولاوصل منه مرسال=ومن صد عني عمد والله مطيقة
ومن قالي فرقا المواليف قتال=بقول توك ماعرفت الحقيقة
لامضيقن خاطر ولامضيقن بال=ولاسالت دمووعي بعيني غريقة
غرون وراح بزينه اليوم يختال=وحتيش لو زينه ندر بالخليقة
ماعندي الى كلمتن قبلي تقال=من راح مني سمح الله طريقة

[ابومسلي]

صـــــــــــــــــــوت


راع الهوى لجل الهوى مابعد تاب=اليى بغى التوبة ترده ضروفه


جراح قلبي من سبايبه منصاب=راحت حياتي كلبوها حسوفه



بنخاك يومنك خبير(ن) بالاطباب=وتعرف منين العلم توكل كتوفه



عن واحد(ن)غالي ونرخص له أرقاب=ولوه رخيص انكان جعله ذلوفه


غرون جمع ممى تلذذ وماطاب=كامل ولله الكمال بوصوفه


في وسط قلبي له ملفات وكتاب=ووسط الضلوع منقشاتن حروفه


اليى فتحت الباب سكرلي الباب=والله ولاحب(ن )يورك خوفه


أن قلت باترك شجرة الداب للداب=القلب عيا لايخلي ضيوفه


وأن قلت حناء من عريبين الانساب=طرى علي أن ماب دربه مروفه


والحل ضاع ولااعرف ويش الاسباب=عطني حلولك والحياة مخلوفه

[ابومسلي]

صـــــــــــــــــــــــدى


يامرحبا ياللي شكـى درب الاحبـاب=اعداد ماهـل المطـر مـن قنوفـه
جراح قبلك فالهوى عارضـه شـاب=واشعل مشاهيب الهوى وسط جوفـه
قبلي وقبلك فالهوى نـوت وعقـاب=والحب محدن سالمن مـن صدوفـه
يذوقـك شلفـى تريحيـب وذيـاب=ويسمعـك بيـن المحانـي دفوفـه
ودامك بغيت الشور من بين الاصحاب=ابشـر برجلـن مايثنـي حلـوفـه
اركب وخل العلم من بيـن الاشنـاب=حـلال ودروب الرجـال معـروفـه
ابشر بجاه ومال وسيـوف وحـراب=وخل الجبان يطـق راسـه بطوفـه
فزعه رفيقن مـا تخلـى ولاهـاب=رجلن مع الفزعـه يجمـل وقوفـه
وان كنت متعلق كذا بـس واعجـاب=كاسن رفعته رجعـه فـي رفوفـه
خله يابو مسلي ولا تحسب احسـاب=ومن لابغـى قربـك تعـده وطوفـه
واختر هنوفك من مداغيش الاقـراب=اللي على يديـن الكريـم معسوفـه

[ابومسلي]

يارب تشفيه


علمنً لفاني حط بالقلب لاهوب=ولافيدي يمه حلول وسيله
قالو ترى خالد مريضً ومغلوب=وقعدت اردد بالخفاء عزتيله
والحال من عقبه من الهم منهوب=وصارت حياتي كلبوها مليله
والدمع من فرقاه عيا ولايتوب=مغير احسب كل ليله وليله
واللي يصيب العبد ماعنه مهروب=ذي سنتن من عند راع الفضيله
يالله يامجلي كرب كل مكروب=وبامرك تحل المعضلات الثقيله
تلبس لناء خالد من العافية ثوب=وتجعل علوم الطيب اول حصيله
طفلً صغير ماحمل ذنب وذنوب=طفلً صغير وفي عيوني قبيله
لو المرض ينقل ببندق وبحروب=والله يخالد ماتجيه الهزيله
ولو المرض ينقل فانا عنه بانوب=لوالمرض يجلس سنينً طويله
لكن ماصاب العبد ماعنه مهروب=ذي سنتن من عند راع الفضيله

[ابومسلي]

يابو....عطني التتن ياخوك=جر الزقارة ينفع الصدر لاضاق

ارمي همومي والزمن قالي دوك=جرب مرارتها على كل الاذواقzgarh

[ابومسلي]

سؤال


قلبي يا.... من عناء الحب ملاف=وعزي لمن مثلي حبيبه يلوفه
اثر الهواء ذنبً على كل عراف=وانا احسبني سالمن من صدوفه

[ابومسلي]

جواب


لاضقت عد من العناء راس مشراف=في نايفً صلف الهبايب تحوفه
يا... لايطري عليك التحساف=واللي يعذلك في هواء الترف طوفه
عيش الغرام انواع واشكال واصناف=والله مايلحق حياتك حسوفه

[ابومسلي]

القصيدة قديمه شوي وجراح تشابه اسماء ليس المعني مستشارنا الغالي



القلب ولع نار ماعدت مرتاح=وضاقت عليه من جميع النحايا

ونخيت دكتور المواجيب جراح=لانه أخوي وعارفن وش خفايا

الهم ياجراح عياء ولاراح=بسباب غرون ساكنن بالحنايا

من شاف زينة جر صوته وبصياح=ويقول مامثله كمل بالحلايا

هو راس مالي هو غناتي والارباح=وهوه لغم يحرق جميع الصبايا

واليوم أشوف السد كنه بينباح=وعذالنى قامت تزود الحكايا

ومن ضيقتي ماعاد ياسعني ...=راحت حياتي كلبوها شضايا

ياما تحملناء الشكاوي والاجراح=واقول حناء مانرد الهدايا

والحب موجن مايبي غير سباح=والموج أغرقله شعوب وقرايا

جراح لو الحب بسيوف ورماح=ننخاء الذي مثلك يجيب الوصايا

هاذي علومي كلبوها وبيضاح=وعطني علومك ياكريم السجايا

[ابومسلي]

ادعج غنج الغريب ذبحهم غروري نجمة شمر

الف شكر على التقييم لايكتمل جمال هذا المتصفح الى بمروركم العطر

[ابومسلي]

الليل دايم للعشاشيق راحة=يلقون فيه من الفرح والمسرات

[ابومسلي]

الحب لامنه دخل قلب رجال=خذا مساحة وسط صدرة عضيمة
وانا خذا قلبي من الناس ميال=ميال قد وله وصايف عديمة
راح وتركني للضماء واشهب الال=ولاشفت انا سيله ولاشفت ديمة
كيف الغضي يفعل بناء سو الافعال=مافيه رحمة للقلوب الرحيمة
ياحسرة الخاطر وياضيقة البال=لامن طرالي ذكرياتً قديمة
دريت بن الوصل من بينا محال=وان الخساير وسط قلبي وخيمة
هاذي سلوم الحب لو الوصل طال=بعد الوصال تجيك فرقاء الايمة

[ابومسلي]

صح لسانك ملايين ياعالي مستواه


(بوح المشآعر) ممكلة صاحب الذوق=اللي بها نقرا جميل الفرايد

عنوانها بـــينّ ..وترتيـبـها فـــوق=ونشوف فيها من جزيل القصايد

[ابومسلي]

استلم ياعالي لاهنت


بالله ياهل المنتدى شوفو الطوق=بوح المشاعر قلدت بالاقلايد

تتويج يالنخبة من اعز مخلوق=شهادتٍ تسوى جميع الشهايد

[ابومسلي]

القلب من هم الزمن كله فتوق=والحال شوف العين والسر في بير
ماهي هموم الحب عاشق ومعشوق=الى همومٍ مالها اي تبرير

[ابومسلي]

الى احدهم


انته اخو قبل الرسالة تجيني=وتدري عن الخوة ولاهيب تخفاك
وانا ادري انك فالمواقف عويني=كم موقفٍ بين فعولك ومبداك
واما عن الضيقة فربك يعيني =محلها بين المعاليق وعفاك
ودي اسولف بالعناء والونيني=مير العناء بالحيل كفاء ووفاك
بضرب مثل معروف قدله سنيني=مابه ضعيفٍ ينجي ضعيفٍ ياخاك

[ابومسلي]

الى فارس نجد

الوقت يافارس خيانات مع بوق=ولانافعٍ معه الخطط والمحاذير
وقتٍ يذل الطير ويهد غرنوق=انا اشهدانه من كبار المخاسير

[ابومسلي]

تقييم اختنا الغالية جود الاصايل

صح لسااانك يامبدع أبو مسلي أختك مرت عليك وش بتذبح لهـا!
وهذا وردي عليها وسامحونا على القصور


يامرحبا وعداد ماهبت النود=على الفتاة النادرة والاصيله
ياجود بذبحلك على زيارتك ذود=لوكان اشوف انها بعيني قليله
لو البشر تذبح ذبحنا لجل جود=لو كان نفني ياجماعة قبيله

[ابومسلي]

اخوي الغريب اختي رمية الهديف

نورتو متصفحي الف شكر

[ابومسلي]

حان وقت نومي تصبحون على خير

[ابومسلي]

ابوصعيقر نجمة شمر سموكـ *nw@3em*
صحت ابدانكم ومشكورين على التقييم
لايكتمل الابداع الى بمروركم
الف شكر

[ابومسلي]

لله درك يابن فطيس


ياعيون اللي من امسه ماتعشى=اشقرن مهديه ابومشعل لنايف





شايفن له جول قدام المعشى=وارتمح كنه يصفق بالنوايف





والله انك في شراييني تمشى=والله ان باب الرجا عاده مسايف





مالحبك طب مدامه تفشى=في عروق اللي ورى العوج النحايف









لبسك الحشمه وبالعفه تغشى=بس عيبك منت بمحاكيك رايف





والجدايل من صغر سنك تنشى =مارعى المقراض بأطراف الرظايف









اعتذر واللي لك ان عذرك يمشى=مايدقق فالعذر بين الولايف







ماتعودت اترجى واترشى=لاتهملني وتاكلك الحسايف









الامل مثل الهوى لاطال عشى =وانت بصرك يالغلا وش انت شايف

[ابومسلي]

صباح الخير

[ابومسلي]

انا كذا يابوهويدي تعلمت=اصبر على الايام لو كان خابت
ولوزادت همومي ترى ماتحطمت=ابقاء سوات طويق ياخوك ثابت

[ابومسلي]

:5325:


البارحة فاخبار لندن ضحية=يوم الحرارة وصلت حد عشرين
صاحو على العالم وسوا قضية=وعطتهم الدولة بدل حر تامين
وحنى نتشوا وسط نجد العذية=وتوصل حرارتنا الى فوق خمسين

zgarh

[ابومسلي]

كل مايطلع علي نور الصباح=انهي التفكير فالضبي العفر

[ابومسلي]

صباح الخير

[ابومسلي]

الصيف والاجازة

المرسل:ابومسلي


الضيق لاقالو ترا الصيف قرب=وان الحبايب للسفر مستعدين
لديت عيني فالرفيق المجرب=اللي على قول النشاما على الدين
خطوا ابلجن عن موقفه ماتهرب=اما على العسرات والى على اللين
شروا ولد فيصل سليل المعرب=اللي تفاخربه جميع .....

[ابومسلي]

الرد:مدور الكايد



فالقلب حب انسان لامن تسـرب=لاغاب تتوقف جميع الشراييـن
ماجور ياللي صاحبك عنك غرب=راح يتجول بين خضر البساتين
نمشي لها عن دارنا وانتغـرب=نمشي يابو.... بالحال عجلين
ياصاحبً بالطيب منـت اتـدرب=مجبول فطره من سلايل عريبين

صح لسانك يابوفيص ملايين

[ابومسلي]

تصبحون على خير

[ابومسلي]

يا...راع الحب ياخوك مكشوف=لو يستره صمته ترا الشوق فضاح

وانا مريض وصخنتي داخل الجوف=وحالي مثل حالك ولايلزم ايضاح

[ابومسلي]

الغريب عشق بدوي

صحت ابدانكم ومروركم وتقييمكم شرف

لاهنتو فديت روسكم

[ابومسلي]

الحب موجن مايبي غير سبـاح=والموج أغرقله شعـوب وقرايـا

[ابومسلي]

صباح الخير

[ابومسلي]

اقول والى اقول مانيب قايل=لاصارت الضيقة من الله وش اقول

[ابومسلي]

تكفون فكوني من الحكي تكفون=فالحب ماينفع كلام وملامه
عز الله اني فيه مغرم ومفتون=واني على حبه ليوم القيامه

[ابومسلي]

صباح الخير

[ابومسلي]

الغريب الغلا نجمة شمر عشق بدوي

متابعتكم شرف ووسام

مشكورين والله يعطيكم العافية

[ابومسلي]

ياصباح الخير ياعنق المهاه=ياعيون الحر ياشبه القمر
ياعلاج القلب ياغاية مناه=افزعيلي مابقا عندي صبر
والله اني مضيعِ درب النجاه=شايلِ حملك على حمول الدهر
لاتخليني كذيا يافتاه=عالجيني زين يامال الغضر
ياصباح الخير مدري يامساه=لخبط التفكير من كثر السهر

[ابومسلي]

لي أسبوعين أقيّم ويرفض ,, يقول لآزم أقيّم غيرك وارجع أقيمك / صح لسآنك على هالخمس أبيات الجزله واللي تطرب ,, [ وعالجيني زين يامال الغضر ] ههههههههه هذي لحالها قصه zgarh

مرورك وتسجيل اعجابك يكفي ياطاغي عن التقييم وصح بدنك واهم شي انا اعجبتك البويتات<<شكلك عايش المعاناه خخخخخخخ

[ابومسلي]

هاذي الابيات في وفاة والد الجميع وهي لاتوفيه حقه لكن هاذا ماجادت به القريحة



يالله ياللي عارفِ ويش كانا=ياربِ المعبود راع الجلاله
انك تصبرنا وتجبر عزانا=فالوالد اللي كل ابونا عياله
في يوم جمعه راح والعلم جانا=شفيعة المختار راع الرساله

[ابومسلي]

صباح الخير

[ابومسلي]

بدوي نت صح بدنك وطلبتك على العين والراس

[ابومسلي]

الله يكون في عون عالي مستواه كان خدمة بلاك بيري توقفت


ياناس كان بلاك بيري توقف=فهاذي تعازينا على اخوي عالي

:msn-wink:

[ابومسلي]

من صد عني ياحمد دون تبرير=لوه اخويه ياحمد مارجيته

[ابومسلي]

صباح الخير

[ابومسلي]

الغريب عالي مستواه الغلا

اكبر تقييم تواجدكم في متصفحي لاعدمت هالطله

[ابومسلي]

ياحبيبي واستمع في يوم جمعه=لاتحسبني من اشكالك ونوعك
كان قصدك من عيوني شوف دمعه=حب كوعك كان تقدر حب كوعك

[ابومسلي]

كل مايطلع علي نور الصباح=انهي التفكير فالضبي العفر
لاني للي قاضين ليلي كفاح=من غياب الشمس للطلوع الفجر
اتذكر من خذا قلبي وراح=ناعم الخدين منحول الخصر
والهوا مافيه ضحكات ومزاح=كم ذبح عالم ويتمله بشر
اتصبر والصبر سر النجاح=واشهد ان مافيه مثلي قد صبر
من مغيب الشمس لانور الصباح=عايشٍ ليلي وكني في قبر

[ابومسلي]

صباح الخير

والشهر عليكم مبارك وكل عام وانتم بخير

[ابومسلي]

مما راق لي


يامشايخ ياهل الدين الحنيف=هو يصوم اللي طعم ريقة عسل

[ابومسلي]

zgarh


شفتو وش اللي صار للشيخ عدنان=ضيع حياته والسبايب هويه
وانا ترا مثله ومن دون نقصان=ضيعت كل اللي مسكته يديه
هجرت هالعالم لجل خدر الاعيان=عقبٍ طلع ياناس ماهوب ليه
وهاللحين انا كني ترا الشيخ عدنان=سوا سوا نفس الفكر والقضيه
البارحة نلعب على زين الالحان=واليوم نبكي من حظوظٍ رديه

[ابومسلي]

الغريب ذبحهم غروري جود الاصايل

منورين المملكة بمروركم وتقييمكم

لاعدمت هالطله

[ابومسلي]

مساء الخير

[ابومسلي]

عديم عشق بدوي

مشكورين على المرور والتقييم

نورتو المملكة

[ابومسلي]

اول ليا هبت على النسانيس=تحيي شعور لين اجيب القصيده
واليوم لو دكت علي الهواجيس=مانيب فاضي للقصيد وجديده

[ابومسلي]

مادام قلبي مابقا به احاسيس=ومن الهموم الغبر كنه الحديده
احسلي اخلي هجوسي محابيس=دام المشاعر للقصايد فقيده

[ابومسلي]

اختي رميه الهديف

الابداع في مرورك وتقييمك

نورتي متصفحي

[ابومسلي]

مساء الخير

[ابومسلي]

الصدر يامحمد ليا صار مرضان=اول علاماته يبين كحيحه
هذا حسب فكري والى انيب غلطان=صريح واحب العلوم الصريحه

[ابومسلي]

وللحديث بقية

[ابومسلي]

مساء الخير

[ابومسلي]

كلن سمع عن الزيادة فالاخبار=يوم الخبر شاعوه باسلوب ماهر
والعسكري المسكين من فرحتة طار=مايدري انه فايض ارباح ساهر